2015 jylǵy 17 maýsym, Astana, Úkimet Úıi
Ǵarysh keńistigin paıdalaný salasyndaǵy qyzmetti lısenzııalaýdy júzege asyrý jónindegi lısenzıar men «Ǵarysh obektilerin jáne olarǵa quqyqtardy memlekettik tirkeý týraly kýálik» ekinshi sanattaǵy ruqsatyn beretin ýákiletti organdy aıqyndaý týraly
«Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańy 10-babynyń 2) jáne 4) tarmaqshalaryna sáıkes Qazaqstan Respýblıkasynyń Úkimeti qaýly etedi:
1. Mynalar:
1) Qazaqstan Respýblıkasy Investısııalar jáne damý mınıstrliginiń Aeroǵarysh komıteti ǵarysh keńistigin paıdalaný salasyndaǵy qyzmetti júzege asyrýǵa arnalǵan lızensııany berý jónindegi lısenzıar;
2) Qazaqstan Respýblıkasy Investısııalar jáne damý mınıstrliginiń Aeroǵarysh komıteti «Ǵarysh obektilerin jáne olarǵa quqyqtardy memlekettik tirkeý týraly kýálik» ekinshi sanattaǵy ruqsatyn beretin ýákiletti organ bolyp aıqyndalsyn.
2. «Ǵarysh keńistigin paıdalaný salasyndaǵy qyzmetti lısenzııalaýdyń keıbir máseleleri týraly» Qazaqstan Respýblıkasy Úkimetiniń 2013 jylǵy 31 qańtardaǵy № 77 qaýlysynyń (Qazaqstan Respýblıkasynyń PÚAJ-y, 2013j., №13, 244-qujat) kúshi joıyldy dep tanylsyn.
3. Osy qaýly resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.